13
қазан
2021
2021 жылдың 19 ақпанында Қамқоршылық кеңесінің отырысы
2021 жылдың 19 ақпанында Абдраш Назарбеков атындағы №87 жалпы орта білім беретін мектебінде Қамқоршылық кеңес пен ата-аналарға арналған кезекті отырыс өткізілді. Отырыс барысында мектеп директоры Қаппарова Айгүл Серғалиқызы 2020-2021 оқу жылындағы атқарылған іс-шаралар мен ауқымды жетістіктер жайында есеп беріп өтті. Атап айтар болсақ, карантиндік кезеңдегі санитарлық талаптар сақтала отырып, оқу-тәрбие жұмыстары мен онлайн өтіп жатқан оқу-тәрбие процесінің тиімді жүргізілуі және мемлекеттен бөлінген қаражаттың өз дәрежесінде уақытылы және жүйелі игерілуі, сыбайлас жемқорлыққа қарсы күрес іс-қимыл агенттігінің қолдауымен ұйымдастырылып жатқан "Адалдық алаңы", сондай-ақ, "Адал көмек" жобасы бойынша атқарылып жатқан жұмыстары жайында, сонымен қатар, "Ізгілікте жарысайық!" қоғамдық қорының қолдауымен білім алушыларға арналған қайырымдылық іс-шаралар аясында түрлі спорттық үйірмелерге демеушілік көрсетілгендігі, мектеп ұжымы мен мектеп оқушыларының жоғары жетістіктерге жеткендігі және мектебіміздегі жүргізіліп жатқан жұмыстардың нәтижелері жайындағы есебі берілді. 







